Plantun de Prouvènço

Pèr coumpara dos planto d'encò nostre

Azolla filiculoides & Galium divaricatum

Azolla filiculoides

Salviniaceae

Nom en français : Azolla fausse filicule.

Descripcioun :
Aquesto pichoto planto que trachis de coumpagno emé li lentiho d'aigo, es un pichot féuse que nous vèn de l'Americo dóu miejour. Creis peréu sus li limas gourga d'aigo. Se recounèis à si foundo ramificado, dicoutoumico que dounon d'èr i fueio de tuia.

Usanço :
D'estùdi soun facho pèr vèire coume poudrié fissa l'azote d'aigo.

Port : Erbo
Taio : 1 à 5 cm
Fueio : Foundo
Tipe bioulougico : Idroufite
Cicle bioulougico : Planto renadivo

Gènre : Azolla
Famiho : Salviniaceae

Ordre : Salviniales

Coulour de la flour : Ges de flour
Petalo : ges
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 0 à 400 m
Aparado : Noun

Liò : Aigo
Estànci : Termoumediterran à Mesoumediterran
Couroulougi : Neoutroupicalo
Ref. sc. : Azolla filiculoides Lam., 1783

Reboulo(-divaricado)

Galium divaricatum

Rubiaceae

Nom en français : Gaillet divariqué.

Descripcioun :
Aquesto reboulo, trachis dins li tepiero seco de roucaio e de colo. Se tèn bèn dre emé de tijo proun ramificado sus li coustat. Li fueio an de formo en lanço, bourdado de pichòti dènt que rintron en dedins e s'acabon emé un benc de mai de 0,1 mm. Se destrìo de Galium parisiense que li pecou coumun dis enflourejado soun mai de tres fes pu long que li pecou di flour, raprouchado en pincèu e que pendoulon quouro la planto es en fru. Coumpara emé la reboulo-de-Paris que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : verticilado
Tipe bioulougico : Teroufite
Cicle bioulougico : Planto de l'an

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms

Sòu : Si
Autour basso e auto : Pancaro entresigna
Aparado : Noun

Liò : Tepiero seco - Roucaio - Colo - Terraire safrous
Estànci : Termoumediterran à Coulinen
Couroulougi : Pancaro entresigna
Ref. sc. : Galium divaricatum Pourr. ex Lam., 1788 (= Galium parisiense subsp. divaricatum (Pourr. ex Lam.) Rouy, 1903 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Azolla filiculoides & Galium divaricatum

ges

Coumpara Azola emé uno autro planto

Coumpara Reboulo(-divaricado) emé uno autro planto